Тәрбие бөлім

Біз сендермен мақтанамыз!

2 қыркүйек колледжіміздің мәжіліс залында, Франция елі Лион қ. өтетін WORLDSKILLS LYON-2024 халықаралық байқауының «Шаштараз өнері» құзыреттілігі бойынша чемпионатқа қатысушысы, «WorldSkills 2024» аймақтық кәсіби шеберлік чемпионатының 1 орын иегері, колледж үздігі — Мұратқызы Дильназбен кездесу өтті. «Жақсы тілек нәтижелі істерге бастайтыны белгілі» Әр оңды істі ырымға балап жататын дана халықпыз. Естеріңізге сала кетейік, Дильназ қызымыз облыстық кәсіби шеберлік чемпионатында өз ісінің шебері атанып, республикаға жолдама алды, одан соң, Астана қ. өткен республикалық сайыста 17 облыстан қатысқан қарсыластарының ішінен топ жарып, шетелге, Еліміздің намысын қорғап, ұстаздарының үйреткен білімдері мен өз біліктілігін сынауға, колледж мәртебесімен қатар, облысымыз бен Қазақ елінің мерейін асқақтатуға, WORLDSKILLS LYON-2024 халықаралық байқауына жолдама алған болатын. Байрақты додаға аттанғалы отырған Дильназға, Таңжарық Өтемісұлы бастаған колледж ұжымы, тілекші қонақтарымыз, әлеуметтік серіктестерімізбен қатар қолдаушылары қатысты. Дильназ туралы жақсы естеліктерімен бөлісіп, жүрекжарды лебіздер айтылды. Кездесу соңында, колледж директоры Қазақтың намысын қорғауына тілектестігін білдіріп Көк туымызды тарту етті, өз тарапынан Дильназ барша жиналған қауымға шексіз алғысын білдіріп, аянбай еңбектеніп, оң нәтижемен оралатынына уәде берді.

Құқықбұзушылықтың алдын алу!

Құқық қорғау органының негізгі қызметі — кәмелетке толмағандардың арасындағы құқық бұзушылықты алдын алу және болдырмау, құқықтық сауаттылықты арттыру, заңсыз іс-әректтер жасаудан қорғау, жас ұрпаққа заңға бағынушы азамат ретінде құқықтық тәлім –тәрбие беру.Жиындар барысында тәртіпбұзушылақ фактілері бойынша түсіндірме жұмыстары жүргізілді

Құқықбұзушылықтың алдын алу!

Ақтөбе өнеркәсіптік технологиялар колледж жатақханасында полиция қызметкерлерімен «Жастар арасында Құқықбұзушылықтың алдын алу» тақырыбында жатақхана студенттерімен кездесулер өтті. Кездесулер барысында кәмелеттік жасы толмаған білім алушыларға ақылы жұмыс істеуге болмайтынын, жасөспірімдер түңгі мезгілде заңды өкілдерінсіз (ата-аналар) жүруге тиым салынатындығы, соңғы уақыттары өңірде орын алған қылмыстық оқиғаларға қатысты алдын алу шаралары негізінде өзекті тақырыптар төңірегінде түсіндірме жұмыстары жүргізілді.

Жастар-жаңашылдықты қолдайды!

Жастар ісі жөніндегі комитет – оқу орнындағы жастар өмірінің негізін құраушысының бірі, жастардың патриоттық, шығармашылық және психологиялық потенциалдарын көрсетіп, жетілдіру негізі.Комитет қызмет объектісі, негізгі мақсаты білім алушылардың қоғамдық өмірдің әртүрлі саласында жан-жақты дамуы және белсенді болуы үшін жағдай жасау.Ақтөбе өнеркәсіптік технологиялар колледжі жастар комитеті төрайымы-Орынбаева Сағыныш Түрікпенбайқызы, төрайым орынбасарлары, бағыт басшылары, Жас Отан жастар қанаты төрағасы, колледж президенті, бөлім басшылары мен топ белсенділерімен жиналыстар ұйымдастырды.Сонымен қатар белсенді студенттер өздерінің ұсыныстары мен жоспарлары туралы бөлісті.Колледж акт залында 1 курс топ студенттерімен бірге, белсенді жастарды колледжішілік «өзін-өзі басқару» ұйымының құрамына қосу, жастар ісі жөніндегі комитет мүшелігінің қызметі мен міндеттерімен таныстыру, колледждің мәдени-тәрбиелік іс шараларын жандандыру мақсатында отырыстар өтті.

Топ жетекшілер отырысы!

Топ жетекші– жоғары оқу орындарында студенттермен тәрбие жұмысын жүргізу кезіндегі негізгі тұлға. Кураторлар жұмысының сапасын бақылау, кураторлар қызметін ұйымдастыру және тәрбие жұмысының әдістемелік – ұйымдастырушылық сапасы мен тиімділігін арттыруда кураторларға жүктелген жұмыстар жайлы.Оқу жылының басында қойылған жоспарлар айтылып, білім алушыларды құқықбұзушылық, тәрбиелік іс шаралаға белсенді жұмыстану, сабаққа қатысымдарын қатаң бақылау, ата-аналармен күнделікті байланыс жөнінде тапсырмалары айтылды.

ОТБАСЫ ЖӘНЕ КОЛЛЕДЖ

Ақтөбе өнеркәсіптік технологиялар колледж базасында оқу жылының басында жоспарлы түрде өткізілетін Жалпы Ата-аналар жиналысы өтті. Жиналысқа колледж директоры, директордың орынбасарлары, топ жетекшілері, колледж әкімшілігі сонымен қатар Алматы ауданы №3 ҚПБ КТЖ УПИ полиция капитаны — Сундетбаева А.А қатысты.

Күн тәртібіне сәйкес, «Жасөпсірімдер арасындағы құқықбұзушылықтың алдын алу», «Мемлекет Президентінің Қазақстан халқына жолдауы», колледжішілік қысқа мерзімді курстар, тәрбие жұмысының өзектілігі тарапында мәселелер айтылды.

Ақтөбе өнеркәсіптік технологиялар колледж базасында оқу жылының басында жоспарлы түрде өткізілетін Жалпы Ата-аналар жиналысы №2 өтті. Жиналысқа колледж әкімшілігі, топ жетекшілері сонымен қатар Алматы ауданы №3 ҚПБ КТЖ УПИ полиция капитаны — Сексенбаев А. қатысты.

Күн тәртібіне сәйкес, «Жасөпсірімдер арасындағы құқықбұзушылықтың алдын алу», колледжішілік қысқа мерзімді курстар, бала қауіпсіздігін қамтамасыз ету шаралары, тәрбие жұмысының өзектілігі тарапында мәселелер айтылды. Сонымен қатар, Ата-аналар тарапынан сұрақтар мен ұсыныстар қойылып, жиналыс қорытындыланды.

БІЛІМДІ ҰРПАҚ-БІЛІКТІ ҰСТАЗДАН!

Оқу жылының басы, барша ұстазда жауапкершілік пен жұмыс көп. Дегенмен жұмыстың, міндеттің қиындығына қарамастан оқу мен тәрбиені беріп, үздіксіз білім жүйесін қалыптастырып отырған біздің Ақтөбе өнеркәсіптік технологиялар колледжінің ұстаздарын алда келе жатырған төл мерекелерімен құттықтаймыз. Баршаңыздың орындарыңыз біз үшін бөлек, еңбектеріңіз ерен!!!

Шаршамаңыздар, талмаңыздар!!!

Сіздер ең үздіксіздер!

Жақсы көреміз!

Ұйымдастырушы: Тәрбие бөлімі.

педагог-психолог Жібек Мұратбекқызы, жастар ісі жөніндегі комитет төрайымы-Сағыныш Түрікпенбайқызы.

Кітапхана табыс мекені!

«Оқуға құштар колледж» жобасы аясында 1курс білім алушыларымен «Кітапхана табыс мекені» тақырыбында колледж кітапханасында ашық есік күні өткізілді. Білім алушылар кітапхананы пайдалану ережесімен, кітап көрмелерімен және мерзімді басылымдармен, мамандық бойынша кітаптармен танысты. Жалпы кітапхана жұмысымен танысып, жаңа ақпараттық мүмкіндіктер жайлы мәлімет алды

Өзге тілдің бәрін біл, өз тіліңді құрметте!

Колледж кітапханасында Қазақстан халқы тілдері күніне орай » Мәңгілік ел- мәртебелі тіл «тақырыбында 1-курс білім алушыларымен іс-шара өткізілді. Іс шараның мақсаты:

-Көпұлтты елдің тұтастығын сақтау

-Қазақ тілін дамыту және тарату

-Жас ұрпақтың бойында өз халқының да елде тұратын басқа ұлттардың да мәдениеті мен дәстүрлеріне құрметті қалыптастыру. Шара барысында білім алушылар қазақ ұлыларының өлеңдерін оқыды. Ұлы тұлғаларды ұлықтау, оқырман бойына адамгершілік қасиеттерді сіңірту, патриоттық сезімге тәрбиелеу.

Түнгі рейд!

Жасөспірімдер арасында құқықбұзушылықты болдырмау, келеңсіз оқиғалардың алдын алу, балалардың қауіпсіздігін күшейту және түнгі уақытта ата-анасының қарауынсыз жүрмеуінің алдын алу мақсатында Ақтөбе өнеркәсіптік технологиялар колледжінде мобильді топтар құрылып, рейдтік іс-шаралар ұйымдастырылды.

Мұғалімдер, ата-аналар ерікті түрде кешкі сағат 21:00 ден 23:30-ға дейін көшелерді, ойын-сауық орталықтарын, керуен сити, саябақтарды аралап түнгі рейд жұмыстарын жүргізілді.

ЖАСТАРҒА ТҮСІНДІРМЕ ЖҰМЫСТАРЫ!

2024 жылдың 20 қыркүйегінде Қазақстан Республикасының Бас прокуратурасының бастамасымен Ақтөбе облысының прократурасымен «Нашақорлыққа жол жоқ!» тақырыбында профилактикалық шара жүргізілді

Шараға Ақтөбе қаласы прокуратурасының қылмыстық қудалау бөлімінің аға прокуроры — Какимов Жүніс Жеңісұлы келіп, 1-3 курс студенттеріне түсіндірме жұмыстарын жүргізді.

Түсіндірме жұмыстары барысында студенттерге нашақорлыққа қарсы күрес шараларын, есірткі заттарын өткізу мен таратқаны үшін берілетін жаза түрлері мен нашақорлық мәселелері бойынша деректер келтіріп, ақпараттар кеңінен айтылды

ЖАТАҚХАНА КЕЗЕКШІЛГІ!

Жатақханада әр апта сайын кешкі кезекшілік ұйымдастырылған. Кезекшілікке колледжіміздің ер-азаматтары атсалысып, балалардың хал-жағдайын білуге, ішкі тәртіпті бақылауға және олармен еркін әңгіме-дүкен құруға барады. Кезекшілік уақытылы атқарылып, балалар уақытын тиімді өткізуде.

Жатақхана кезекшілігіне кешкі уақытта барып жүрген әріптестерге алғыс білдіреміз. Ал студенттерімізге жатақхананы таза ұстап, екінші үйіндей көріп, бос уақытын тиімді өткізулеріне тілектеспіз!

Тәрбие бөлім

Тынымжан Мадина Асылбекқызы